Na serious tears full Idumuesah road on Saturday as terrible accident claim the lives of two young people wey dey plan marry soon.
The victims, Sandra a.k.a Blessed Kaima from Oba quarters, Umunede, and her fiancé, Ifeanyi from Idumuesah, get terrible accident wey lead to their kpuffing. Eye–witness talk say the incident happun for afternoon time, and the scene scatter everybody wey see am.
Sandra, wey be nurse, and Ifeanyi don already fix date for their marriage rites. Introduction don dey slated for 27th of September, while their white wedding dey set for January next year. Sadly, the dream cut short before e even start.
To add salt to injury, close padi wey know the couple reveal say Sandra dey pregnant before the sad event. The matter come make people dey reason say the acc!dent no be ordinary at all.
Community people wey hear the story don dey cry bitterly. Many say the young nurse and her fiancé be definition of true love, but death don end their love story.
Oh God, this one pain! 😭😭😭
Leave a Reply